Тропарь прпмц. Маргарите Мензелинской
Тропарь св. прпмц. Маргарите Мензелинской, творение чтеца Сергия,
глас 5-ый:
Христа яко Небеснаго Жениха возлюбивши, / вся красная мира сего оставила еси, / ангельскому житию поревновала еси, / обитель твою земную украшающи, / паче же о горней обители помышляющи, / ревнительнице душевныя чистоты. / Призвавшему тя Христу в Небесный чертог, / яко елень на источники водныя, / на мучения возжадала еси, / и от Него венец нетленный прияла еси, / избранная агнице, / преподобная страстотерпице, / Маргарито всехвальная, / Мензелинская свеще возженная, / ныне с прочими свещми новомученик и исповедник сияющи, // моли Преблагаго Бога спасти души наша.
Кондак святой преподобномученице Маргарите (из Общей минеи), глас 4:
Яко крин багряновидный, / посреде терний безбожия / в земнем Отечестве твоем процвела еси, / преподобномученице Маргарито честная, / подвиги воздержания страданием украсивши, / востекла еси к Небесному Жениху Христу, // Иже увенча тя красотою славы нетленныя.
Скачать тропарь и кондак прпмц. Маргарите
Назад к списку
.jpg)
.jpg)
.jpg)
.gif)
