Молитва о мире на Украине
Молитва о мире на Украине, нашей братской стране
Молимся Тебе Господу Богу нашему, еже призрети милостивным Твоим оком на Украину и люди ея, умирити противоборствующия, подати им здравомыслие, вселити в сердца их мир и согласие, еже любити Тебе Единаго Истиннаго Бога и творити во всем волю Твою.
Владыко Вседержителю, Святый Царю. Призри с небесе и виждь, како враждуют людие между собою во Украине и замышляют друг на друга суетное и злобное. О, Многомилостиве! Прости грехи и беззакония людския, ихже ради многия скорби, беды и устрашения приидоша на них. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вся распри, раздоры и разделения во Украине. Усердно молим Тя: мир Украине даруй, Церкви Твоей и всем людем земли тоя. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков. Аминь.
Пресс-служба храма Илии пророка
Назад к списку
.jpg)
.jpg)
.jpg)
.gif)
